千詩萬句寫台灣 世情山水人生觀
◎台灣古典詩
◎台灣古典詩
台灣竹枝詞 丘逢甲
唐山流寓話巢痕 潮惠漳泉齒最繁
二百年來藩衍后 寄生小草已深根
離台詞 丘逢甲
宰相有權能割地 孤臣無力可回天
扁舟去作鴟夷子 回首山河意黯然
械鬥 陳肇興
無人拓殖不居功 動輒刀槍奮起戎
利益均沾天地義 強爭惡奪是歪風
土番 郁永河
男兒待字早離娘 有子成童任遠颺
不重生男重生女 家園原不予兒郎
盂蘭詞 彭廷選
冥府緣何不賑災 鬼猶飢餓亦堪哀
生前想必饕貪慣 又回人間乞食來
普渡 黃贊鈞
生時欲乞一文難 死後杯盤薦盛餐
回顧門前伸手者 不知心上作何看
示萱兒 莊太岳
撐持門戶劇艱辛 得句未聞可療貧
輸與江湖賣卜者 一錢不值是詩人
題蔣渭水遺集 莊太岳
心血拋餘總愛群 紛紛熱淚洒成文
那知是血還是淚 一片模糊辨不分
干豆分潮 陳維英
第一關門鎖浪中 天然水色判西東
莫嫌黑白分明甚 清濁源流本不同
多愁 林占梅
多愁多病總因情 魔障牽纏嘆不清
恰似風吹江上水 一波才過又一波
與友人談平安二字
半生經歷總煩憂 悵觸時多涕淚流
漫冀功名與富貴 平安兩字亦難求
◎台灣現代詩
店仔頭 吳晟
抑是喝拳飲酒 大聲唱歌
抑是惦惦對奕 哀聲嘆氣
抑是講東講西 論人長短
消磨百般無奈的暗時
這是阮的店仔頭 這是阮的廣播站
這是阮入夜以後 唯一的避難所
千百年來 永遠這呢鬧熱 永遠這呢稀微
千百年來 千百年後 無可能出頭的阮
只是一陣布袋戲尪仔 佇店仔頭晃來晃去
m̄知啥人會冷
土豆koh來一包 晃頭仔koh來一杯
電視啦 汽車啦 都市轉來的少年家--a
免kā我展都市的虛華
店仔頭的椅條頂 做咧開講
親像土地hiah-nih-a憨的我
長長的一生 koh按怎行 嘛是
店仔頭 頭前 這幾條短短的牛車路
註；對奕---下棋 晃頭仔-米酒
田土 吳晟
日日 uí日出到日黃昏
和田土親密作伴的阿母
按呢講：水溝仔是我的洗身軀間
芎蕉園是我的便所
竹仔跤是我睏中晝的眠床
無拜六 無歇睏日的阿母
一生的的汗水、勞苦灌溉田土
佇阮兜這片田地--裡
一季又一季 種植又種植
日日 uí日出到日黃昏
m̄捌喝疲勞的阿母
按呢講：清涼的風是上好的電風
稻仔田是上好看的風景
水聲和鳥仔聲是上好聽的音樂
無掛礙遠遠城市的文明按怎譬相
阿母佇阮兜這片田地--裡
用一生的的汗水 勞苦灌溉田土
註：睏中晝---午睡 譬相---批評看輕
無要和你講hiah tsē 吳晟
我無要和你講 詩的藝術
無要和你講 hiah ê批未清的比論
請離開冊房 我tshuā你去空闊的田園行行咧
去看一下--a 四界的幼栽仔 按怎恬靜tih 扑拼生長
我無要和你講奧妙的思想
請離開冊房 我tshuā你去空闊的田園行行咧
去摸一下--a 清涼的溪水 按怎恬恬tih灌溉田地
我無要和你講社會
無要和你講hia ê痛入心腹的情愛
請離開冊房 我tshuā你去空闊的田園行行咧
去探望一陣一陣的做穑人 按怎恬靜咧流汗耕作
你久長住佇 鬧熱滾滾的都市
歌詩啦！人生啦！社會啦！已經爭論真tsē--ah
這是要趕緊種作的春天 你也罕得來庄跤
我tshuā你去空闊的田園行行咧
去感受一下--a 春風是按怎溫柔leh吹咱的土地
註：hiah tsē 那麼多 tshuā帶
◎台灣褒歌
1.一日煩惱日落申、一暝想kah雞報寅、一時看無娘a面、跤酸手軟烏暗眩。
2.予哥擔擔遮梟行、汗流滴汁歸胸前、要請小工共君頂、致蔭君身較清閒。
3.父母生阮歹命囝、歹命小娘擔輸贏、一身一擔家己領、m看頭面別人兄。
4.初一十五下大願、下要豬公人外懸、人人問你下啥款、下要舊兄行倒返。
5.阿君要返阮要留、留君身魂用紙包，等君去後提來解、日日看君佇阮兜。
6.雞聲頭啼起來煮飯、烏秋啼了天要光，想要開門度君返、手拔門閂心頭酸。
7.白紙寫字青紙封、紅紙包面做批囊，要寄幾句ka君講、內山火車未交通。
8.新起大厝kah圓窗、新做眠床腳踏枋，古井未離杉箍桶、咱嫂無離哥一人。
9.山歌m唱鬱肚內、錢銀m使會生蟲，十七十八m打扮、老來打扮無採工。
10含笑開花香過山、水仙開花好排壇，神魂hoo嫂迷一半，克虧哥a要按怎？
1.韭菜開花直溜溜、松柏點火較光油，家己bai2某罔將就，破船過港較贏泅。
2.獵鳶khau風半天飛、雉雞出世毛花花，當無好勢通講話、驚見落人嘴唇皮。
3.號頭約在竹篙叉、竹篙叉尾掛跤帛、哥a要來著仔細、阮是無翁有大家。
4.甘蔗好吃頭硬硬、茶店查某上無情，一千二千提去用、招伊散步喊無閒。
5.紅花開透紅支支、娘阿m通此梟雄，一千八百提去用、招汝練仙-阮無閒。
6.禪朴開花在庭前、娘a生美若西施，看有食無干ta癮、親相憨佛鼻香煙。
7.稻a大長驚風颱、阿娘大肚驚人知，左手牽衫掩肚臍、正手搧君koh再來。
8.手gia5鐵釘釘大柱、無疑au3柴釘未稠，想要kap哥盡心妙
無疑予哥汝先梟。
1.人的a哥在開店、阮的a哥在賣鹽，一擺提錢一擺念、鹽館的錢有較鹹。
2.福州鉸刀假有眼、無錢a哥真寒酸，一擺提錢一擺按、按欲鐵樹開牡丹。
3.日頭出來滿天紅、枋寮過了是楓港，希望a哥來疼痛、疼痛小妹是出外人。
4.恆春大路透溫泉、燈塔對面馬鞍山，a哥轉去妹無伴、親像戮鑽刺心肝。
5.四重溪底全全石、梅花當開會落葉，小妹想君未得著、較慘拖命食傷藥。
6.恆春過了是車城、花言巧語不愛聽，a 妹講話若有影、刀槍做路也趕行。
7.竹筍離土目目柯、土豆開花釘落沙，身邊無娘通倚帶、一心想死較快活。
8.及娘約在甘蔗溝、蔗葉打結做號頭，夭壽誰人把阮解、害阮一人鑽一溝。
9.阮兜店在娘厝後、不時看娘在探頭，情意總是九分九、路裡相當頭勾勾。
10愛花愛月真風流、看花飲酒解憂愁，杯內有花koh有樹、只欠一e水姑娘。
11牡丹開花笑微微、娘a生水真標緻，害我暝日病相思、想欲kah娘結連理。
12玉蘭開花芳透天、挽入房間芳歸暝，將花提入蚊罩內、半暝芳到枕頭邊。
13古井有水清又深、落落紅柑半浮沉，若是欲沉沉落去、莫koh浮起動人心。
14天頂出有半條虹、預作風颱感會成，看見a嫂即篤定、央三托四著予成。
15銅鑼響了欲開船、滬尾對坐八里坋，步頻離開心肝悶、日落黃昏就想君。
16.我娘生做禾黑kah老、面肉khioh-keng2幾十溝，
胡蠅歇落全m走、有時挾著歸碗頭。
17.大雨m7落落雨鬚，落koh塗跤滑溜泅
想要娶娘做牽手 父母束綁無自由
18.（hm5婆）頭插紅花紅波波 身穿紅衫牽公婆
少年無某尋我討 予我來尋免驚無
沒有留言:
張貼留言